Arne Slot është emri më i përfolur për të zëvendësuar Jurgen Klopp te Liverpool. Trajneri gjerman do të largohet në fund të këtij sezoni dhe timonieri i Feyenoord është vetëm një hap larg kalimit në Premier League.
Klopp tashmë ka folur për zëvendësuesin e mundshëm të tij, ndërsa nuk kursen fjalët e mira për holandezin. Gjermani deklaron se i pëlqen shumë loja që bën dhe se do të ishte një zgjedhje e duhur nga ana e drejtuesve.
“Jam i sigurt se nëse Slot vjen te Liverpool, atëherë do të marrë punën më të mirë në botë. Mua më pëqen shumë mënyra se si ai e bën të luajë skuadrën. Nëse Liverpool zgjedh Slot, atëherë do të më pëlqentë shumë zgjedhja pasi e shoh se ai ka dëshirë.
Nuk e njoh personalisht, por njerëzit që e njohin atë më thonë se është një djalë me të vërtetë shumë i mirë. Pra trajner i zoti dhe djalë i mirë. Nëse klubi e shikon si njeriun e duhur atëherë unë jam me të vërtetë shumë i lumtur”, ka theksuar timonieri gjerman.
Lexo gjithashtu
Rodri i dëmtuar, City “piketon” 2 zëvendësuesit e spanjollit
Alarm në Angli, tunden "themelet" e Ten Hag
