Trajneri i Chelseat, Mauricio Pochettino vazhdon të ‘kryqëzohet’ nga të gjithë tifozët duke u quajtur si problemi kryesor që ekipi është në këtë gjendje. Por tekniku argjentinas ka folur pikërisht për këtë çështje duke thënë se të gjithë duhet të përmirësohen.
Ndër të tjera, Pochettino shton se ai nuk flet prej muajsh me pronarët dhe e vetmja mënyrë që e bën diçka të tillë është nëpërmjet drejtorëve sportiv të klubit të Chelseat.
“Mendoni se i vetmi që duhet të përmirësohet te Chelsea jam unë? Duhet të jetë gjithmonë trajneri ai që duhet të vërtetojë nëse e meriton të jetë këtu edhe për një sezon tjetër?
Mendoj se për situatën e Chelseat jemi të gjithë përgjegjës. Të gjithë duhet të vërtetojmë se jemi mjaftueshëm të zotët për të qëndruar këtu edhe për një sezon tjetër.
Të jem i sinqertë, unë prej disa muajsh nuk kam kominukuar me pronarët. Komunikojmë vetëm nëpërmjet drejtorëve sportivë. Por, pritshmëritë dhe ndjesitë e mia për klubin nuk kanë ndryshuar”, është shprehur Mauricio Pochettino.
Lexo gjithashtu
