Manchester United po përjeton një moment shumë të keq këtë sezon në Premier League. Skuadra e “Djajve të Kuq” pozicionohet në vendin e 13-të të tabelës së klasifikimit, një pozicion jo i mirë për klubin historik në Angli.
Në një intervistë për mediat, mbrojtësi i ekipit Diogo Dalot ka deklaruar se Manchester United mund të fitojë Premier League nën drejtimin e trajnerit Ruben Amorim.
“Nëse duhet të jem i sinqertë, nën urdhrat e Amorimit ne mund të fitojmë Premier League. Unë me të vërtetë mendoj kështu, por më pas duhet të them që për një fans kjo është e vështirë të dëgjohet. Ne duhet të përshtatemi me mënyrën e tij të lojës, unë jam lojtar, por e di shumë mirë se çfarë ndjejnë tifozët. Mendoj se mund të fitojmë trofe të mëdhenj me këtë trajner”, shprehet Dalot.
Lexo gjithashtu
80 milionë euro për Barçën, United tenton talentin spanjoll
Problemet në mbrojtje, Chelsea dërgon skautë në Serie A
