Nico Gonzalez ka folur për herë të parë si futbollist i Manchester City. Mesfushori spanjoll është shprehur se ky transferim është mundësi perfekte për të, teksa thekson se nuk ka klub më të mirë se “Qytetarët” në Angli.
“Kjo është mundësia perfekte për mua në këtë fazë të karrierës sime. Dua të testoj veten në Angli. Nuk ka klub më të mirë se Manchester City për ta bërë këtë. Nuk ka një futbollist në botë që nuk do të donte të ishte pjesë e këtij klubi. E di reputacionin që ka Pep dhe mezi pres të punoj me të. Në fakt, jam i nderuar që ai dëshiron që unë të luaj në ekipin e tij”, është shprehur ish-mesfushori i Barcelonës, Nico Gonzalez.
Kujtojmë se Manchester City e bleu futbollistin për 60 milionë euro nga klubi i Portos. Ndërkohë që vetë Gonzalez ka nënshkruar me anglezët një kontratë të vlefshme deri në verën e vitit 2029.
Lexo gjithashtu
80 milionë euro për Barçën, United tenton talentin spanjoll
Problemet në mbrojtje, Chelsea dërgon skautë në Serie A
