Chelsea po kalon një moment mjaft të mirë këtë sezon. Ecuri pozitive në Conference League dhe vendi i dytë në kampionatin anglez, kanë bërë që “Blutë e Londrës” të shihen dhe si favoritë.
Megjithatë, trajneri Enzo Maresca kërkon ende përforcime. Tekniku italian i ka shprehur dëshirën drejtuesve të Chelsea për të përfrocuar repartin e sulmit. Dhe për të plotësuar këtë dëshirë është piketuar Benjamin Sesko.
21-vjeçari që akualisht luan me Leipzig në Bundesligë, shihet si i duhuri për repartin ofensiv. Sulmuesi i talentuar slloven ka kontratë të vlefshme me gjermanët deri në 2029, por pritet të shihet nëse kjo marrëveshje do të prishet për një aventurë të re në Premier League.
Por ky nuk është një lajm i mirë për Armando Brojën. Duket se Maresca dhe Chelsea i kanë bërë dalje totale sulmuesit shqiptar që aktualisht është i huazuar te Everton.
