Julian Alvarez është transferuar te Atletico Madrid vetëm pak ditë më parë. Tashmë me largimin e tij, te Manchester City ka nisur puna për zëvendësuesin e argjentinasit.
Drejtuesve nuk u është dashur shumë kohë për këtë, pasi kanë gjetur te rivalët lojtarin e dëshiruar. Kështu në listën e tyre është Luiz Diaz, i cili luan me Liverpool.
Sipas mediave britanike bëhet me dije se bisedimet mes palëve do të nisin shumë shpejt dhe mbetet të shihet se cili do të jetë reagimi i “The Reds” për këtë interesim. Siç dihet Diaz është një nga titullarët e padiksutueshëm të Liverpool dhe në sezonin e ri është pjesë e planeve të Arne Slot.
Për të bërë të mundur këtë operacion, mësohet se City është i gatshëm të “derdhë” në arkat e Liverpool shumën prej 70 milionë euro. Kujtojmë se lojtari ka kontratë të vlefshme me “The Reds’ deri në qershor të vitit 2027.
