Merkatoja e janarit ka ofruar mjaft surpriza, sidomos nga klubet e kampionatit angelz. Bëhet fjalë për ekipin e Manchester Cityt i cili prej kohësh kishte në listën e “dëshirave” dhe synimin kryesor, qendërmbrojtësin e Crystal Palace, Marc Guehi.
Emri i këtij të fundit ka qenë mjaft i përfolur nga ana e “qytetarëve” pasi skuadra e Pep Guardiolës ka vijuar me negociatat. Ndër të tjera klubi i ka parë aftësitë e qendërmbrojtësit si mjaft të sakta dhe të nevojshme për ekipin.
Afrimi me negociatat dhe marrëveshjen gati për t'u zyrtarizuar është bërë e ditur edhe nga gazetari sportiv, Fabrizio Romano. Me anë të një postimi në rrjetin e tij social “Facebook”, ai ka treguar se Manchester City ka avancuar me marrëveshjen, sidomos në këto 12 orët e fundit.
“Manchester City përparon në marrëveshjen për Marc Guehi, pasi një përpjekje e madhe është bërë në 12 orët e fundit. Manchester City i paraqiti një propozim të rëndësishëm Guehit për sa i përket kontratës, përfundimisht gati të vazhdojë edhe me Crystal Palace. Marrëveshja tani është më afër”, ka shkruar Fabrizio Romano.
25-vjeçari u transferua nga Chelsea tek Crystal Palace në vitin 2021, ndërsa “qytetarët” e kanë "piketuar" si për shkak të aftësive të mira të tij në fushë, por edhe për shkak të nevojës për të pasur më shumë lojtarë pas dëmtimeve të shumta.
Lexo gjithashtu
