Arsenali është një nga skuadrat pretendente për të fituar titullin në Premier League. “Topçinjtë” aktualisht ndodhen vetëm 6 pikë pas “The Reds”, me këto të fundit që kanë një ndeshje më shumë për të luajtur.
Por ekipi i Mikel Artetës është i “pafat”, pasi janë dëmtuar lojtarë të rëndësishëm, sidomos në repartin e sulmit. Kështu anglezët kanë humbur shërbimet e Bukayo Saka dhe Gabriel Jesus, me këtë të fundit që ka mbyllur sezonin.
Mungesat e tyre po ndihen në ekip dhe diçka të tillë e konfirmon edhe Arteta. Ky i fundit nënvizon gjithashtu se drejtuesit janë në kërkim të një sulmuesi gjatë kësaj periudhe që të bëjë diferencën në ekip dhe të sigurojë gola.
“Mendimi im është i qarë. Ne humbëm dy lojtarë shumë të rëndësishëm, Bukayo Saka dhe Gabriel Jesus. Na mungojnë golat , na mungojnë opsionet në vijën e parë. I humbën më një moment shumë delikat dhe ku ne kemi më shumë se kurrë nevojë për ndihmën e tyre. Tashmë e kemi pranur diçka të tillë dhe po kërkojmë për një tjetër sulmues gjatë kësaj merkatoje”, ka theksuar Arteta.
Lexo gjithashtu
