Chelsea po lëviz fuqishëm duke synuar përforcimin e sulmit. Shumë emra janë në diskutim për tu transferuar nga Chelsea, megjithatë duket se fokusi është Liam Delap.
Klubi londinez është i gatshëm të ofrojë 60 milionë euro për të siguruar shërbimet e sulmuesit të ri i cili ka shkëlqyer me paraqitjet e tij këtë sezon duke realizuar 10 gola dhe 2 asiste.
Mediat raportojnë vazhdimisht për paraqitjen e tij duke e konsideruar kështu një nga zbulimet e këtij sezoni në kampionatin anglez. “Blutë” e Londrës e shikojnë 22- vjecarin favorit për të zgjidhur problemet e sulmit dhe për të fituar trofe në sezonet e ardhshme.
Ky transferim pritet të jetë një nga më të bujshmit e verës dhe do të tregojë ambicien e madhe të Chelsea për të rikthyer lavdinë e dikurshme. Në garë për sulmuesin anglez janë dhe ekipet e tjera të mëdha të kampionatit anglez si Arsenal, Manchester United.
