Trajneri i Liverpool, Jurgen Klopp përgëzoi Atalantan pas eliminit nga Europa League. Tekniku gjerman pranoi me përulje se italianët merituan kualifikimin me trajnerin Gasperini që ndërtoi një skuadër të fortë.
“U eliminuam në fushën tonë. Atalanta e meritoi kualifikimin. Kur fiton 3-1 pas dy ndeshjeve do të thote se e meriton të kalosh në raundin tjetër.
Më pëlqeu qasja që kishim, por ishte e qartë se duhej të futnim topin në rrjetën kundërshtare. Ishte e vështirë të ruanim ritmin e lartë gjatë 90 minutave. Ky ishte problemi më i madh, këtu u bë diferenca. Në pjesën e parë Atalanta bëri shumë presing lart. Sigurisht që një gol i dytë do të na kishte ndihmuar shumë…
Jam i zhgënjyer që nuk ia dolëm, por ata e merituan. Le të përqendrohemi te kampionati. Do të japim gjithçka kemi.
Premier League mbetet kampionati më i bukur në botë, edhe pse ligat e tjera kanë përparuar. Por mbetet kampionati më intensiv. Jemi gati të japim gjithçka për të fituar titullin”, tha Klopp.
Lexo gjithashtu
