Riccardo Calafiori ka nisur tashma aventurën e tij të re te Arsenali. Italiani ishte një nga lojtarët e shumë kërkuar në këtë merkato, me anglezët që në fund arritën të siguronin shërbimet e tij.
22-vjeçari hyri si zëvendësues në miqësoren ndaj Lyon, teksa në ato minuta që u aktivizua tregoi një lojë relativisht të mirë. Mikel Arteta pas kësaj sfide foli me mjaft superllativa për italianin, ku sipas trajnerit të Arsenalit do të jetë një surprizë e këndshme e këtij sezoni në Premier League.
“Më pëlqeu pritja që tifozët i dhuruan Calafiorit. Mendoj se ai do të jetë surpriza e këtij sezoni. Ka cilësi të shkëlqyera dhe forcë fizike të jashtëzakonshme. Di të interpretojë disa pozicione në fushë dhe del mjaft mirë në sulm, ku përdor edhe fizikun. Jemi shumë të lumtur me transferimin e tij”, ka theksuar timonieri i “Topçinjve”.
Lexo gjithashtu
