Sergi Roberto do të largohet nga Barcelona këtë verë. Është vetë kapiteni i katalanasve i cili me një postim në faqen e tij zyrtare jep lajmin për të gjithë ndjekësit. Një videomesazh që përcjell të gjithë rrugëtimin e Robertos që nga fëmijëria në La Masia e deri më tani ku mbajti edhe shiritin e kapitenit.
“Culers, ka ardhur koha për t’ju falenderuar të gjithëve për këtë udhëtim që bëmë sëbashku. Jetë të gjatë Barcelonës. përgjithmonë”, shkruan Roberto.
Gjatë gjithë karrierës së tij ai ka luajtur vetëm për ngjyrat blaugrana të cilat i veshi për 373 ndeshje në të cilat shënoi 19 gola e 43 asiste. Pas 13 vitesh në ekipin e parë dhe 18 gjithsej, ai largohet në moshën 32-vjeçare me 22 trofe të fituar, ndër ta 2 Champions League dhe 7 La Liga.
E ardhmja e tij ende nuk është përcaktuar, por për të kanë shfaqur interes Ajax dhe Fiorentina.
View this post on Instagram
Lexo gjithashtu
