Lucas Vazquez, Luka Modric, Fran Garcia dhe David Alaba do të luajnë për të ardhmen e tyre në Real Madrid muajin e ardhshëm.
Modric do të mbushë 40 vjeç në shtator dhe është plotësisht i bindur se mund të vazhdojë edhe një vit me Real Madridin dhe të fitojë Kupën e Botës 2026 me Kroacinë.
Nëse do të ishte në dorën e trajnerit aktual, zgjedhja për ta konfirmuar do të ishte e dukshme, por konkurrenca do të rritet, duke qenë se do të blihet një tjetër mesfushor, me Martin Zubimendin në “pole position”. Gjithashtu duhet kuptuar se kush do të jetë trajneri i radhës.
Fran Garcia ka një marrëveshje deri në vitin 2027, është paraqitur shpesh, por jo shumë në momentet e mëdha të sezonit. Gjithçka është shumë e pasigurt, por mungesa e alternativave reale mund të bëjë që drejtuesit ta mbajnë atë.
Së fundmi është rasti i David Alaba, i cili ka më shumë se një vit që ka mbetur jashtë fushës dhe kjo duket. Një problem tjetër është fakti që ai fiton 12 milionë euro neto deri në vitin 2026, shumë për dikë që nuk ofron shumë garanci në nivel fizik.
Real Madrid gjithashtu mund të llogarisë në Raul Asencio, Eder Militao dhe madje edhe Joan Martinez, kështu që ata nuk do ta kishin problem largimin e tij.
Lexo gjithashtu
