Lamtumira e Luka Modric -it me Real Madridin ka ngjallur reagime nga shumë figura të futbollit, përfshirë edhe shokët e ekipit të kampionit kroat. Mesazhi i Jude Bellingham mbi këtë temë nëpërmjet kanaleve të tij sociale: "E vetmja gjë që e tejkalon trishtimin tim tani është mirënjohja që ndiej që pata nderin të isha shok skuadre me ty.
Kemi ndarë kaq shumë kujtime të mrekullueshme në fushë dhe jashtë saj, të cilat do t'i ruaj gjithmonë si thesar. Magjia jote nuk ka qenë kurrë një surprizë dhe nuk ka asgjë që mund të them që nuk është thënë tashmë për arritjet e tua të jashtëzakonshme, por përulësia, hapja jote dhe koha që i ke kushtuar çdo personi në çdo rrethanë më kanë lënë pa fjalë, ti je një përfaqësim i vazhdueshëm i gjithçkaje që është e mrekullueshme në lidhje me futbollin.
Vëlla, nga thellësia e zemrës sime të falënderoj për çdo pasim (qoftë brenda apo jashtë), çdo driblim, çdo truk dhe çdo gjuajtje, por më domethënëse për mua është çdo bisedë, çdo përqafim, çdo darkë dhe çdo mençuri e këshillë që ke dhënë. Paç fat me çfarëdo që të rezervojë fati për ty dhe familjen tënde. Të dua shumë! Do të më mungosh! Tifozë të Madridit, bëjini zërat tuaj të dëgjohen të shtunën në Bernabeu për t'i bërë homazh kapitenit tone!”
Lexo gjithashtu
