Tirana dhe Shkëndija janë njohur me kundërshtarët e mundshëm në turin e parë të Conference League. Të dyja skuadrat janë te vazo e favoritëve për shortin e nesërm, teksa përballë do kenë një prej Velez Mostar, Torpedo Kutaisi, Malisheva, Noah dhe Isloch Minsk.
Në rast se Malisheva do të ndeshet me një prej Tiranës apo Shkëndijës, atëherë do të kemi derbi shqiptarësh. Velez Mostar në anën tjetër militon në Bosnjë ku e mbylli kampionatin në vendin e tretë.
Torpedo Kutaisi përfaqëson Gjeorgjinë. Atje po luhet kampionati dhe Torpedo mban vendin e dytë.
Noah pati një sezon të mrekullueshëm në Armeni ku tentoi titullin kampion deri në fund. Ishte Pyunik Yerevan që ia doli në fund me 2 pikë më shumë.
Isloch Minsk është kundërshtari i fundit i mundshëm dhe vjen nga Bjellorusia. Atje po kalojnë një sezon të vështirë ku aktualisht renditen në vendin e 9.
Kundërshtarët e mundshëm:
FK Velež Mostar (BIH) 5.4
FC Torpedo Kutaisi (GEO) 5.2
FC Malisheva (KOS) 3
FC Noah (ARM) 5.5
FC Isloch Minsk Region (BLR)
Lexo gjithashtu
