
Egnatia do të luajë në transfertë mbrëmjen e nesërmë përballë Vikingur Reykjavik. Sfida ndaj kampionëe të Islandës, do të startojë në orën 20:45 në stadiumin “Víkingsvöllur”.
Megjithatë, deri më sot në mëdyshje ka qenë se në cilin stadium do të zhvillohet ndeshja e kthimit. Duke marrë parasysh që në “Elbasan Arena” më 1 gusht, do të përballet Partizani me Iberian 1999, stadiumi ku do të luanin rrogozhinasit ishte i pavendosur.
Por, UEFA e ka mbyllur këtë temë dhe ka konfirmuar “Arena Egnatia” si stadiumin pritës për sfidën e kthimit. Tashmë, pritet të vendoset dhe orari zyrtar për këtë ndeshje, duke patur parasysh se stadiumi i Egnatias po rikonstruktohet dhe ende nuk ka të vendosur sistemin e ndriçimit.