Partizani ka siguruar kualifikimin për në turin e dytë të Conference League. Kjo pasi të kuqtë mposhtën Marsaxlokk në Maltë me rezultatin 1 me 2.
Kryeqytetasit festuan me tifozët këtë kualifikim. "Ultras Guerrils" nuk zhgënjyen me paraqitjen e tyre, ndërsa mbështetën Partizanin gjatë gjithë ndeshjes.
Tifozët e kuq u kujdesën që të gdhendin stemën brenda stadiumit maltez. Në foton e mëposhtme vërehet një prej stolave që është "stolisur".
Ndeshja e radhës luhet kundër Iberias. Kundërshtar i njohur ky për Partizanin, pas 2 vite më parë u përplasën po në Conference League me emrin Saburtalo.
Kujtojmë ndërkohë se ndeshja në Maltë nuk ishte aspak e lehtë. Kjo pasi vendasit shënuan të parët. Partizani gjeti forcën për të barazuar me Carën, ndërsa Keko luajti rolin e heroit në minutën e 93'.
Lexo gjithashtu
