Qazim Laçi, Albion Rrahmani, Ermal Krasniqi dhe Indrit Tuci
Katër futbollistët shqiptarë, Qazim Laçi, Indrit Tuci, Ermal Krasniqi dhe Albion Rrahmani, janë shumë pranë kualifikimit në Champions League. Kjo për shkak se Sparta e Pragës fitoi mbrëmjen e sotme sfidën e parë të “play-off” kundër Malmo.
Ishte autogoli i Stryger Larsen në minutën e 31-të të pjesës së parë ai që “hutoi” vendasit. Ndërkohë që për të vulosur sfidën, mendOi Rynes në minutën e 89-të, duke afruar ekipin çek me një kualifikim historik në Champions League.
Në 3 sfidat e tjera, Dynamo e Kievit u mposht në shtëpi 0-2 nga Salzburg, ndërsa Midtjylland barazoi 1-1 me Slovan Bratislava. Në krahun tjetër, gjiganti turk i Galatasaray u surprizua në transfertën zviceriane, duke u mposhtur 3-2 nga Young Boys.
Poll
