Pas fitores 0-2 në ndeshjen e parë, Atletico Madrid do të presë sonte në shtëpi Barcelonën, në kuadër të çerekfinales së kthimit të UEFA Champions League. Sfida që do të zhvillohet në “Metropolitano”, nis në orën 21:00.
Në prag të këtij dueli, te katalanasit kanë nisur pakënaqësitë për gjatësinë e barit në fushën e impiantit të madrilenëve. Sipas tyre, bari është shumë i gjatë, duke ua bërë të vështirë lojën dhe lëvizjet me topin.
Gjithashtu, raportohet se trajneri i Barcelonës, Hansi Flick ka zhvilluar një bisedë me delegatin e UEFA-s, duke i sqaruar problemin dhe situatën në terrenin e stediumit. Madje, është kërkuar që bari të shkurtohej.
Në krahun tjetër, për klubin e Atletico Madrid shihet si gjë normale. Kujtojmë se sipas rregullores së UEFA-s, gjatësia e barit nuk duhet të kalojë 3 centimetra dhe duhet të jetë i prerë njësoj në gjithë fushën.
Lexo gjithashtu
