Manuel Neuer ishte padyshim ylli i ndeshjes Real Madrid – Bayern Munich, e cila u luajt në kuadër të çerekfinales së parë të UEFA Champions League. Ndeshja e zhvilluar në “Bernabeu”, përfundoi 1-2 në favor të bavarezëve.
Ndërkohë që në moshën 40-vjeçare, Neuer tregoi edhe njëherë tjetër që është po aty, me klasin e dikurshëm. Performanca e tij nuk ka kaluar pa u vënë re edhe nga kryetari i “Lëvizja Bashkë”, Arlind Qori, i cili njihet si tifoz bavarez.
“40 vjeç i biri i botës dhe ende luan me zhdërvjelltësinë e një adoleshenti. Pavarësisht se ka revolucionarizuar rolin e portierit si askush tjetër, ka fituar një Kupë Bote dhe dy Champions-a, ende nuk e kanë vlerësuar me një Top të Artë. Çfarë humbjeje do të jetë për futbollin nëse në fund të këtij sezoni var këpucët në gozhdë! Manuel Neuer the GOAT!”, shkruan Qori.
Lexo gjithashtu
