Në prag të Superkupës së Europës, finale të cilën do ta luajnë ndaj Real Madrid, ka folur sulmuesi i Atalantës, Ademola Lookman. Ky i fundit shprehet mjaft qartë se nuk i kanë frikë madrilenët, duke theksuar se ekipi bergamask ka mentalitetin e duhur.
“Jemi gati, jemi krenarë dhe të lumtur që luajmë një tjetër finale pas fitores 3-0 ndaj Bayer Leverkusenit. Jemi të emocionuar nga ideja për të luajtur këtë ndeshje, është e qartë se na mungojnë lojtarë të rëndësishëm, por ne kemi mentalitetin e duhur për ta përballuar këtë ndeshje edhe pa shumë lojtarë që janë jashtë për shkak të lëndimeve dhe arsyeve të tjera. Jemi përballur me shumë skuadra të tjera të mëdha në të kaluarën”, ishin fjalët e Lookman.
Kujtojmë që finalja e Superkupës së Europës, Real Madrid – Atalanta do të luhet mbrëmjen e sotme. Sfida që do të zhvillohet në stadiumin “PGE Narodowy”, në Varshavë, do të startojë në orën 21:00.
Lexo gjithashtu
