BONUS e ndryshim sponsori, “Derbi i mbijetesës” i ka të gjitha (FORMACIONET E MUNDSHME)

Kamza-Kastrioti mund të konsiderohet edhe si “Derbi i mbijetesës” në këtë sezon. Dy skuadrat nuk po kalojnë një moment të mirë, teksa të distancuara me katër pikë me pjesën tjetër të renditjes mbajnë vendet 9-të dhe 10-të në klasifikim.

Një pikë i ndan nga njëra-tjetra, pikë që kënaq disi Kamzën, që me një fitore të mundshme pasditen e sotme do të merrte një “bonus” të madh për vazhdimësinë. Megjithatë, as te krutanët nuk kanë ndenjtur duarkryq, me drejtuesit që kanë përpiluar një bonus për lojtarët në rast fitoreje, ndërsa pas skandalit që ndodhi në ditët e fundit kanë ndryshuar sponsorin e skuadrës.

Në prag të këtij dueli, si Ernest Gjoka ashtu dhe Bledar Devolli pritet të hedhin në fushë formacionin më të mirë të tyre, të cilin pritet ta rreshtojnë në këtë mënyrë.

Kamza: Avdyli-Bitri-Beqiri-Qaqi-Bonami-Malaj-Rezi-Plaku-Fukui-Arrabal-Martinena
Kastrioti: Çekrezi-Husein-Shehi-Çela-Ndreca-Shehu-Ymeraj-Kalaja-Roxher-Vatnikaj-Bardhi.