[caption id="attachment_17652" align="alignleft" width="300"]
Trajneri Mërgjyshi[/caption]
Për Korabin tashmë mund të thuhet zyrtarisht që është gati për sezonin e ri 2016-2017. Financat në klubin verior janë siguruar, pasi ky ishte ngërçi që kishte mbërthyer kampin dibran deri para disa ditësh, dhe punët kishin mbetur përgjysmë. Por që nga sot mund të thuhet që Korabi ka përveshur në mënyrë dinjitoze mëngët për një paraqitje sa më të mirë në këtë sezon, pse jo të tentojë të bëjë surprizën për të qenë mes më të mirave. Janë plotësuar të gjithë aksesorët e mundshëm që i duhen një klubi për të marrë pjesë në një kampionat ashtu siç është Superiorja në Shqipëri.
Financat- Para disa ditësh klubi dibran zyrtarizoi si dy aksionerë të saj dy shqiptarët dibranë që jetojnë në Amerikë, Selim Rusi dhe Naim Agolli, duke hedhur në këtë mënyrë hapat fillestarë në ndërtimin e një skuadre. Shuma e sjellë prej dy biznesmenëve nga Amerika ka qenë fillimisht 75 mijë dollarë, por ditët në vazhdim do të ketë investime të reja për klubin dibran, teksa do të ndërhyet fuqimisht në këtë merkato verore. Dy biznesmenët do të tentojë të marrin, pse jo 75 % të aksioneve të klubit.
Trajnerët- Stafi teknik tashmë është i kompletuar, pas ardhjes së trajnerit të mirënjohur Artan Mërgjyshi në krye të skuadrës dibrane. Ditën e sotme është përcaktuar dhe ndihmësi i tij, i cili do të jetë Artion Poçi, ku do të ndihmojë trajnerin Mërgjyshi në përgatitjen e një skuadre cilësore për sezonin 2016-2017. Ndërsa trajner i portierëve është Ermal Nexhpi.
[caption id="attachment_17653" align="alignright" width="300"]
Stadiumi "Selman Stërmasi"[/caption]
Stadiumi- Klubi dibran ka arritur një marrëveshje me klubin e Tiranës. Ndeshjet e tij pritëse, Korabi do t'i luajë pikërisht në shtëpinë e Tiranës, stadiumin "Selman Stërmasi". Gjithashtu klubi kryeqytetas i ka hapur dyert ekipit verior edhe për kompleksin "Skënder Halili", vend ku do të kryhen seancat stërvitore për gjatë gjithë muajit gusht, me organikën aktuale që ka, ku sigurisht priten edhe shumë afrime cilësore. Gjithashtu burime për newsport.al bëjnë me dije që sponsori teknik është ai që ka paguar për stadiumin dhe terrenet sportive.
[caption id="attachment_17660" align="alignleft" width="300"]
Sponsori teknik[/caption]
Sponsor- Siç e theksuam në titull, Korabi ka zyrtarizuar edhe sponsorin e saj teknik, ku do të, sponsorizohen uniformat e ekipit, bazës materiale gjatë gjithë sezonit, por edhe bazës didaktike për seancat stërvitore në shërbim të stafit teknik. Firma “Armafix Armierungen” do të jetë sponsori zyrtar për sezonin e ri, ndërsa dizenjo e bluzave nuk ka ndryshuar shumë nga sezoni i fundit. 25 futbollistë dhe 5 pjesëtarë nga stafi teknik do të jenë të veshur me uniformë, sipas stinës dhe ambientit, duke filluar nga bluzat e ndenjes, stërvitjes, prezantimit dhe lëvizjes. Po kjo firmë pritet të bëjë edhe sponsorizime të tjera në formë premiosh për Korabin.
Objektivi- Në kampin dibran akoma nuk ka një objektiv të caktuar. Por për sezonin e ri, situata duket shpresëdhënëse. Për momentin flitet për një objektiv, që është qëndrimi mes më të mirave. Megjithatë afrimet në kampin dibran do të na tregojnë dhe diçka më konkrete, për sa i përket objektivit, ku pse jo do të mund të tentohet edhe surpriza në këtë sezon në Superiore.
Lexo gjithashtu
