Arian Sheta është një nga veteranët e kampionatit shqiptar që vijon të kontribuojë sërish për futbollin në vend. Edhe pse është plot 38-vjeç, qendërmbrojtësi me sa duket nuk ka ndërmend të dorëzohet duke varur këpucët në gozhdë. Falë formës fizike që ka, ai është i gatshëm të luajë edhe disa vite. Së fundmi, Sheta ka zgjedhur të vijojë aventurën në Lezhë me skuadrën e Besëlidhjes.
Pas një sezoni të mirë me Dinamon, 38-vjeçari u bind nga projekti i drejtuesve lezhianë dhe kësisoj largohet përfundimisht nga kryeqytetasit. Mungesa e sigurisë financiare dhe largimi i donatorëve nga DInamo, u bënë shkak që shtatlarti mos të mendohej dy herë. Me një karrierë të pasur në Superligë, teksa ka kontribuar edhe për Partizanin, Sheta pritet të jetë një nga pikat kyçe të Besëlidhjes në edicionin e ri futbollistik.
Lexo gjithashtu
