Berisha – Marchetti, mësoni kush e fiton “duelin” te Lazio

Etrit Berisha dhe Frederico Marchetti janë dy portierët e Lazio-s që duhet të mësojnë sa më shpejtë të ardhmen e tyre, pasi gjatë sezoneve të fundit kanë qenë në balotazh për një vend në formacion. Të dy janë lojtarë të kombëtareve respektive, ndërsa iu duhen sa më tepër minuta aktivizimi.

Por, presidenca e Lazio-s ka vendosur që për të ardhmen të vazhdojë bashkëpunimin me Berishën dhe të nxjerrë në shitje Marçhetin. Sinjalet e fundit vijnë nga Liverpool, i cili është i interesuar për të marrë shërbimet e italianit, ndërkohë që presidenti Lotito është gati ta shesë atë. Sipas raportimit të “lalaziosiamonoi.it”, raporton se Lazio do që të promovojë portierin e Shqipërisë.