Sokol Çikalleshi po kalon një formë të shkëlqyer në kampionatin turk me skuadrën e Akhisarit. Ai ka arritur të shënojë 5 gola në 10 ndeshje, 2 në përballjen e fundit me Gaziantepsporin. Në një lidhje telefonike për Supersport, sulmuesi i kombëtares kuqezi ka deklaruar:
“Gëzimi është dyfish, sepse shënova dhe fitoi ekipi. Kemi zhvilluar ndeshje të mira dhe shpresoj të vazhdojmë kështu, që të ngjitemi sa më lart ne klasifikim. Objektiv është vendi i shtatë.
Isha shumë mirë te Bashakshehiri, por vitin e dytë gjërat morën mbrapsht. Kur erdhi Adebajori shpresa për aktivizim u venit ndaj vendosa të shkoj te Akhisari për të treguar se cfarë është i aftë të bëjë Sokoli në kamionatin turk.
Kur erdha në fillim specialistët me thoshin që nëse do të mbijetosh në vitin e parë do ta kesh më të lehtë dhe kur i mendoj këto fjalë e kuptoj se kanë qenë të drejta.
Uroj që ne të gjithë lojtarët e sulmit të vazhdojmë kështu, duke shënuar sa më shumë, që të jemi në formë sa më të mirë për takimin me Izraelin".
Lexo gjithashtu
