Arbitri kosovar Mentor Ajeti ka qenë në qendër të polemikave për shkak të një episodi në ndeshjen Dukagjini-Prishtina. Në këtë sfidë që arbitrohej nga Ajeti pati një moment shumë të diskutueshëm në golin e vetëm të takimit.
Ajeti i vërshëlleu bilbilit për një faull. Ndërsa loja u ndëpre, lojtari i Dukagjinit e dërgoi topin në rrjetë. Por gjyqtari e pa dhe një herë aksionin në VAR dhe vendosi që nuk kishte faull dhe goli ishte i rregullt. Kjo bëri që situata të agravohej dhe lojtarët e Prishtinës të protestonin përpara Ajetit.
Sot ai ka reaguar për atë çfarë ndodhi duke kërkuar falje. Ai është shprehu se gabime të tila ndodhin edhe në futbollin europian duke marrë si shembull Arsenal-Brentford. Ajeti ka marrë përgjegjesinë për rastin dhe është i bindur se do vazhdojë të bëjë më të mirën këtej e tutje. Ky është reagimi i tij:
"Une e marre pergjegjesine per gabimin qe kam bere por dua te ju siguroj qe ka qene vetem nje gabim njerezor dhe pas rishikimit ne var dhe duke percjell analizat ne TV Emisione si dhe shume analizave me ekspert te referimit dhe vlersimit time vrejm qe ka qene nje leshim nga ana ime dhe kerkoj falje publike dhe pres mirkuptim.Jemi deshmitar qe situata te tilla ndodhin edhe ne kampionate elitare ne Evrope e rasti me i fresket ishte ai ne ndeshjen Arsenal - Brentford ky gjyqtaret dolen dhe kerkuan falje per gabime njerzore.
Une besoj qe nuk ka njeri ne bote qe deshiron qe qellimisht te demton veten dhe karieren me nje vendim te kesaj natyre, rrethi ku une jetoj me njeh se qfar personi dhe njeriu me vertyte jame.
Edhe une dua ti kerkoj falje FC Prishtines, FFK-se dhe gjithe futbolldashesve dhe shpresoj qe gabimi qe une kame bere diten e djeshme te konsiderohet si gabim i imi dhe ekipit te gjyqtareve dhe jo te etiketohen njerez te tjere.
Dua qe ne keto momente aspak te lehta per mua dhe familjen time te me mbeshteteni pasi ka qene vetem nje gabim njerezor.
Une do te vazhdoj te jap kontributin time dhe do te pranoj cdo vendim qe vjen nga FFK." thuhet në reagimin e Ajetit.
Lexo gjithashtu
