Skënderbeu dhe Kastrioti luajnë nesër në 16:45 për javën e 14 të Superligës. Ndeshja që zhvillohet në Korçë është komentuar edhe nga Bekim Rexhepi, gardiani i Skënderbeut. Për 25 vjeçarin, niveli i skuadrave në Superligë është i afërt dhe nuk ka shumë dallime.
"Nuk ka ndeshje të thjeshta në Superiore, nuk ka dallime mes vendit të parë dhe të fundit. Ne kemi marrë pikë ndaj Tiranës, Partizanit, Kukësit dhe kështu dallime nuk ka. Do të jetë një ndeshje e vështirë.
Kritika pas gabimit me Vllazninë -Kritikohen lojtarët më të mëdhenj në botë dhe kjo është pjesë e futbollit. Ato duhet të të bëjnë më të fortë, kritikat janë pjesë e lojës. Ndeshja me Vllazninë është lënë pas krahëve. Në golin e parë ndaj Vllaznisë ishte një keqkuptim mes meje dhe Bajramit, ndodhin në futboll.
Në atë ndeshje nuk na la hapësira Vllaznia, megjithatë në pjesën e dytë kemi bërë mirë dhe ata u mbrojtën jo ne. Ndaj, Kastriotit luajmë për tre pikët dhe ato do t’i marrim. Jemi gati për gjashtë pikë, por fillimisht mendojmë për Kastriotin dhe më pas Dinamon", tha Rexhepi.
Lexo gjithashtu
