Lionel Messi zbulon se nëse Argjentina nuk do të kishte fituar finalen e Kupës së Botës ai do të tërhiqej nga futbolli ndërkombëtar. Në një intervistë të fundit për mediat argjentinase ai pranoi se do të kishte varur këpucët nëse Argjentina nuk do të kishte arritur të ngrinte trofeun.
"Kam shijuar shumë çdo moment gjatë Kupës së Botës. E kam shijuar siç nuk e kisha bërë kurrë më parë. Pak sepse e dija se mund të ishte Botërori im i fundit. Dhe të jem i sinqertë, mendoj se nëse nuk do të kishim qenë kampionë bote unë nuk do të isha më këtu në ekipin kombëtar.
Absolutisht, por tani, duke qenë kampion bote, nuk mund të largohem nga kombëtarja, duhet t'i shijoj të gjitha këto. Por atëherë ishte sikur e shijoja dhe në të njëjtën kohë Kisha një paqe të madhe shpirtërore dhe besim në grupin që kishim”, tha ai.
Lexo gjithashtu
