Partizani luan sot takimin e kthimit ndaj Kastriotit, e vlefshme për fazën e 1/8-ave të Kupës së Shqipërisë.
Të kuqtë nisen më të avantazhuar në këtë përballje, pas fitores 4-2 të arritur një javë më parë. Megjithatë, ajo që ka bërë përshtypje gjatë stërvitjeve të fundit në kampin e kuq, ka qënë veshja e blerjes më të re të tyre, Tijan Jaiten. Mesfushori nga Gambia është parë të stërvitet gjatë gjithë kohës me tuta, duke bërë dallimin nga pjesa tjetër e grupit.
Një fakt që mund të tremb stafin teknik të Partizanit, me Jaiten që besohet se e ka të vështirë të përshtatet me klimën e vendit tonë. Origjina e tij nga një vend i nxehtë si Gambia mund të krijojë probleme te të kuqtë dhe "divorci" i beftë mes palëve nuk mund të përjashtohet.
Me të njëjtën situatë u përball edhe Skënderbeu, që humbi shërbimet e Demte për shkak të kushteve atmosferike të ftohta.
Lexo gjithashtu
