Legjenda gjermane e futbollit Franc Beckenbauer shpreh dëshirën e tij për skuadrën që dëshiron të ketë përballë Gjermanisë në çerekfinale. Edhe pse i vlerëson vlerat e ekipit spanjoll Beckenbauer preferon ata dhe jo Italinë.
Sipas tij italianët luajnë shumë në mbrojtje dhe shumicën e rasteve i kanë fituar ndeshjet edhe pse kanë luajtur më keq se gjermanët.
“Komplimente të mëdha për fitoren kundër Sllovakisë. Çerekfinalja do të jetë kundër Spanjës apo Italisë. Spanja është më fleksibile, por do të preferoja t’i kem ata si kundërshtarë. Italia na ka eliminuar shumë shpesh, pa qenë ekip më i mirë se ne. Megjithatë, s’ka rëndësi se kush është, ne nuk duhet të kemi frikë’’, ka deklaruar legjenda gjermane për gazetën ‘’Bild’’
