“Pasioni nuk ka gjini”, ka qenë kjo nisma që ka marrë jetë sot nga Bashkia e Tiranës dhe Federata Shqiptare e Futbollit. Një inisiativë të veçantë që përkon me një tjetër hap për sensibilizimin dhe aktivizimin e të rinjve në aktivitetet sportive. Në ambjentet e gjimnazit “Qemal Stafa”, përfaqësues të dy institucioneve startuan aktivitetin që parashikon një kampionat minifutbolli mes ekipeve të femrave të gjimnazeve të kryeqytetit. Sekretari i përgjithshëm i Federatës Shqiptare të Futbllit, Ilir Shulku shprehu kënaqësinë për promovimin e futbollit dhe në veçanti atij të femrave në vendin tonë.
“Kjo është një risi sepse futbolli i femrave në Shqipëri po zhvillon kampionatin prej 6 vjetësh madje ka edhe ekipe zinxhir të kombëtares. Shpresoj t’ju lindë edhe më shumë dëshira sepse ka vajza me talent por nuk kanë pasur mundësi ta shprehun këtë talent”.
Ndërkohë, kryebashkiaku Veliaj u shpreh optimist për vazhdimin e kësaj nisme dhe shumë nismave të tjera sportive në mënyrë që të rinjtë të gjejnë një alternativë të shëndoshë te sporti dhe vlerat e tij.
“Jam shumë i lumtur që nisim me një risi me një kupë të bashkisë për të gjitha gocat që meritojnë një garë të barabartë me djemtë”, tha Veliaj.
Lexo gjithashtu
