Milani ka mbetur gjithmonë në zemrën e Mario Balotellit. ‘SuperMario’ nuk ka reshtur asnjëherë së dashuruari ngjyrat kuq e zi që e kanë shoqëruar që në fëmijëri. Sulmuesi italian arriti të përmbushë ëndrrën e tij për të veshur atë fanellë në sezonin 2013-14 duke shënuar 26 gola në 43 ndeshje përpara se të bënte një rikthim të shkurtër në sezonin 2015-16 me 20 paraqitje dhe vetëm një gol.
Tashmë ai luan me Adana Demirspor në Turqi, megjithatë i hapi rrugën një rikthimi të mundshëm në Milano në një intervistë të dhënë për TvPlay. Balotelli foli për mungesën e një zëvëndësuesi të Giroud duke u vetëkandiduar nëse kuqezinjtë kishin nevojë.
“A kishim nevojë për një lojtar më të ri? Ja ku jam (qesh). Problemi i Milanit është se lojtarët e rinj që vijnë duhet të përballen me San Siro që nuk është një stadium si të tjerët, ka nevojë për lojtarë me personalitet."
Lexo gjithashtu
