Elis Bakaj ka qenë mbrëmë në një lidhje të drejtpërdrejtë në emisionin "Zona Gol" në Supersport ku ndër të tjera ka komentuar dhe rikthimin e Tiranës në Superiore. Edhe pse kampionati nuk ka mbaruar, matematika lë të kuptohet se rikthimi i bardhebluve në elitën e futbollit është thjesht çështje kohe.
Këtë gjë e ka komentuar edhe Bakaj, i cili është shprehur: "Më vjen shumë mirë, pasi Tirana është një ekip që i duhet futbollit shqiptar dhe mbi të gjitha Kategorisë Superiore. Më vjen mirë që u rikthye pas vetëm një sezoni".
I pyetur më pas nëse i vjen keq që ka humbur mundësinë për të qenë golashënuesi më i mirë në Superligë, gjë e cila mbeti në mes pas largimit në Bjellorusi, ishi i Kukësit është shprehur: "Nuk është se më vjen keq, pasi objektivi im nuk ka qenë të dilja golshënues, por të luftonim për kampionatin me Kukësin. Unë nuk jam një sulmues kryesor, por më tepër një lojtar pas sulmuesit, gjithsesi besoj se ato gola bënë që të vinte edhe oferta nga Bjellorusia për mua".
Lexo gjithashtu
