Mbrëmja e djeshme ka qenë një magji më vetë për vetë faktin që kuqezinjtë e Kombëtares mundën të fitonin ndaj Izraelit me rezultatin 1-0 duke marrë në këtë mënyrë tre pikët e para në sfidën e vlefshme për Ligën e Kombeve.
Supergoli i Taulant Xhakës u komentua gjatë dhe s'kishte si të mungonte dhe komenti i babait të lojtarit, Ragip Xhaka. Në një intervistë të shkurtër të dhënë pas sfidës, ai është shprehur se goli i të birit e ka gëzuar pa masë dhe se nuk i është ndarë asnjëherë Shqipërisë pasi zemra e tij është këtu.
"Ndeshja ishte super. Kam kënaqësi pasi djemtë kanë luftuar në çdo milimetër dhe suksesi nuk mungoi. Nuk e përshkruaj dot gëzimin kur Taulanti shënoi. Ai u rikthye pas 12 javësh. Ma ka bërë zemrën sa malet e Shqipërisë. Do të shoh Kosovën, e më pas do të shkoj në Skoci. Nuk e kam ndarë kurrë Shqipërinë, pasi e kam pasur zemrën këtu".
Lexo gjithashtu
