Partizani do të luajë të dielën në transfertë kundër Egnatias, ndeshje e vlefshme për javën e dhjetë të Superiores. Të kuqtë kanë nisur përgatitjet për këtë takim ku pritet një tjetër rezultat pozitiv.
Grupi është i plotë veç lojtarëve të cilët janë të angazhuar me Kombëtaren për miqësoren me Arabinë Saudite. Klubi i kuq ka bërë një postim në kanalin zyrtar duke treguar fragmente nga seanca e sotme stërvitore.
Klima pozitive ka pushtuar ambientin kryeqytetas që vijon të jetë në krye të Superiores, 4 pikë i shkëputur nga ndjekësit. Kujtojmë që ndeshja Egnatia – Partizani është programuar të zhvillohet të dielën në orën 14:00. Me ekipin sot janë stërvitur dhe dy afrikanët, Mensah dhe Sembene.
Poll
Lexo gjithashtu
