Një vizitë speciale për djemtë e Kombëtares U21 ditën e sotme teksa atletët e “Special Olympics Albania” iu bashkuan kuqezinjve të vegjël përpara ndeshjes me Zvicrën në “Air Albania”.
Një iniciativë e FSHF që mirëpriti sërish atletët special që do të përfaqësojnë Shqipërinë në Lojërat Olimpike Speciale. Presidenti i FSHF, Armand Duka, me një postim në rrjete sociale theksoi edhe një herë mesazhin e qartë të FSHF: Futbolli, për të gjithë!
“Futbolli, për të gjithë! Mirëpritëm sot krahëhapur në mesin tonë, para ndeshjes Shqipëri U21 Zvicër U21, atletët e "Special Olympics Albania", me mesazhin e qartë që futbolli është për të gjithë, pavarësisht aftësive, moshës, racës apo gjinisë. Pikëpamja e UEFA-s dhe e jona është e qartë: FUTBOLLI, PËR TË GJITHË!”- shkruan Duka.
Lexo gjithashtu
