Partizani fitoi titullin e dytë në epokën e Gaz Demit. Një sukses i jashtëzakonshëm nga demat që morën kështu trofeun vëtëm në javën e fundit të kampionatit. Ndodh që pas çdo fitoreje skuadrat kundërshtare të urojnë fituesin, por në vendin tonë ndodh ndryshe.
Asnjë ekip nga Superiorja nuk e ka uruar Partizanin për titullin kampion. Është e kuptueshme për Tiranën, pasi rivaliteti mes tyre është i madh, por skuadrat e tjera lënë për të dëshiruar.
E veçanta vjen nga “vëlleszërit” tanë në Kosovë. Skuadra e Trepça ’89 ka uruar publikisht demat për titullin. Nëpërmjet një postimi në rrjetet sociale i kanë shprehur urimet demave duke dhënë njëkohësisht leksione për ekipet shqiptare.
“Klubi Futbollistik Trepça’89 uron FK Partizani Albania për Titullin Kampion i Kategorisë Superiore të Shqipërisë.
Me respekt, KF Trepça’89 FC”, shkruhet në postimin e ekipit kosovar.
