Pas aludimeve të fundit nga ana e mediave për një lidhje midis sulmuesit të Kombëtares Shqiptare,Armando Sadiku dhe vajzës së zëvendës trajnerit të Kombëtares Tramezzani, ka reaguar vetë futbollisti. Sadiku e ka mohuar një mundësi të tillë dhe ka kërkuar nga mediat që të mos shpifin mbi jetën e tij private.
‘’Të dashur miq, do të doja që bukuria e fitores me Rumaninë, të mos zbehet dhe të keqinterpretohet nga një foto krejtësisht e pafajshme dhe miqësore, që ka qarkulluar nëpër media ditëve te fundit. Ju lutem mos aludoni për asgjë dhe mos shkruani gjëra të pavërteta për jetën time personale jashtë fushës se futbollit.
Dua të theksoj se arritjet e mia kanë vetëm një emërues të përbashkët : punë dhe sakrifica pa fund dhe besimin tek zoti, nga ana ime dhe familjes time të shtrenjtë, që gjithmonë ka qenë mbështetja dhe frymëzimi im.
Faleminderit Armando Sadiku’’, mbyllet postimi i futbollistit në Facebook.
