Armand Duka, presidenti I FSHF-së, për Supersport, është shprehur në lidhje me emrin e stadiumit të ri, duke thënë se po ndjekin modelin europian, ku stadiumet marrin emrin e atyre kompanive që financohen.
Duka ka hedhur edhe një “grep” për zv/kryeministrin Erion Braçe, që është kundër kësaj ideje. Presidenti është shprehur se nëse Braçe jep lekët për mirëmbajtjen e stadiumit, atëherë ata janë gati t’I vënë impiantit të ri, emrin e zv/kryeministrit.
“Në datën 17 nëntor, shpresoj të debutojmë me një rezultat pozitiv, edhe pse do të jetë shumë e vështirë. Bernda vitit 2022 në këtë stadium do të bëhet një ndeshje e kompeticionit europian. Në kushtet që jemi, është ndërtuar në fonde minimale, por me një donacion nga UEFA. Financimi I UEFA-s është 10 milionë euro. Nuk është një model I ndjekur nga ne, por është një model që e ndjek e gjithë Europa. Të gjithë kanë të drejtë të thonë që të kishte një emër sportisti, por jemi të detyruar, sepse kemi nevojë për burime financiare.
Erion Braçe? Nëse zv/kryeministri flet nga karrigia, aim und të hedhë ato lekë, dhe ne I vëmë emrin e tij stadiumit. Përsa I përket ekipeve të kryeqytetit, ne do të mbajmë të njëjtën qera që kemi mbajtur me stadiumin “Semal Stafa”. Ne jemi vendi I fundit në Europë që nuk merr asnjë ndihmë nga shteti, jemi më dobët se të gjithë. Jemi 5 herë më keq se gjithë të tjerët, që renditen në vendin e fundit.
Ligji për Sportin? Deri më tani jemi në fazën e diskutimit, por nuk kemi asgjë konkrete. Kam dëgjuar që është përgatitur një projektligj, që nuk ka asnjë lidhje me atë që kemi sidkutuar. Nëse këtë paketë ligjore, dikush e sheh si favor, gabon, Kjo është një e drejtë që I takon popullit shqiptar. Ka 20 vjet që ka zero funde nga buxheti. Pa investime të tilla, është e vështirë që të kemi një të ardhme. Në investohet nga buxheti I shtetit sot, në të ardhmen, futbolli do ia kthejë 4 herë më shumë”.
Loading ...
