Presidenti i Federatës Shqiptare të Futbollit ka mbledhur në një takim trajnerët e ekipeve Kombëtare. I pranishëm është edhe Edi Reja, që po diskuton me FSHF-në marrveshjen e re që do e mbajë lidhur me Kombëtaren për katër vitet e ardhshme.
Mësohet se shënjestra kryesore e kritikave është për trajnerët e moshave, nisur kjo edhe nga rezultatet zhgënjyese në eleminatoret e fundit. Sipas Top Channel, vetëm Reja ia ka hedhur paq, ndërsa Bushi, Dede dhe Beqiri janë në fije të perit. Duket se presidenti i ka bërë për “ujë të ftohtë” trajnerët, ndaj zëvendësimi nuk do ishte çudi.
