
Ardit Hila, është zgjedhur njeriu i ndeshjes në takimin e sotëm Teuta-Tirana. Pas ndeshjes, futbollisti i Teutës ka dhënë mendimin e tij për ndeshjen, duke thënë se ekipi ka ndryshuar dhe se kjo gjë ka ndodhur me afrimin e trajnerit Gugash Magani pranë ekipit.
“Me ardhjen e trajnerit Magani ka ndryshuar gjithçka. Kemi nisur të punojmë më shumë. Jemi stërvitur shumë për këtë rezultat. Edhe pse grupi është i njëjtë me ndryshim të dy tre purjeve të reja, kryesor ka qenë morali pozitiv që na ka dhënë trajneri. Duhet të tregohemi më tolerantë që ekipi të mund të marrë rezultatin pozitiv. E vërtetë është që ishim më mirë në qarkullimin e topit sezonin e kaluar, por me ardhjen e trajnerit, gjërat kanë ndryshuar për mirë” ka thënë Hila për “Supersport”.