Komisioni i Disiplinës dhe Etikës pranë FSHF ka bërë të ditur vendimet disiplinore të javës së fundit në futbollin shqiptar. Mes shumë dënimeve e pezullimeve, është hapur edhe një hetim disiplinor për deklaratat e Besës pas ndeshjes me Korabin.
Kavajasit u mposhtën 2-0 nga dibranët, por një episode i minutës së 81’ solli polemika të forta nga verdhezinjtë. Me rezultatin 1-0, Besa shënoi golin e barazimit i cili më pas u anulua për pozicion jashtë loje. Shumë protesta drejt anësorit e kryesorit e më pas një deklaratë e klubit si duket në ‘nerva e sipër’ ku akuzonin gjyqtarin e ndeshjes.
Trupa gjykuese e kësaj sfide përbëhej nga Ermal Gryka si kryesor dhe Orgest Loci e Deivis Perndreca si anësorë.
“Vjedhje e turpshme. Hajdute te veshur si arbiter vjedhin ndeshjen ne mes te dites . 5 minuta para perfundimit anullohet goli i ekipit tone , ne menyre qesharake autogoli jepet per offside , kur dukshem lojtari i Beses eshte 1 meter prapa lojtarit te Korabit.
Pjesa me e cuditshme ishte kur kryesori pyet anesorin perse u anullua kur ishte autogol , ndersa anesori pergjigjej te shikojme videon dhe me pas te vendosim . Edhe sa kohe do te vazhdojne keto ordinere me bilbil ne goje te vendosin ndeshjet me paramendim ? Edhe sa kohe do te vazhdonje te tallen me investimet tona dhe djersen e futbollisteve ? FC Besa kerkon marrjen e masave per arbitrat e sotem dhe drejtesi ne ndeshjet e ardhshme .”
“Celjen e hetimit disiplinor per deklaratat e publikuara ne media nga FC Besa ne perfundim te ndeshjes kunder FC Korabi.”
Lexo gjithashtu
