Tre ditë më parë lajmëruam në "Newsport.al" se Apolonia largoi nëntë futbollistë për arsye financiare, por edhe për shkak të strategjisë së re të klubit. Por, kjo situatuatë nuk duket se po shkon ashtu siç ishte parashikuar nga drejtuesit fierak.
Katër lojtarë nuk dëshirojnë që të ndërpresin kontratën para kohe, duke thënë se duan që ta respektojnë deri në përfundim. Andi Prifti, Amarildo Dimo, Lazar Popoviç dhe Marko Rajkoviç kanë qenë dje në stërvitje.
Burime pranë lojtarëve bëjnë me dije se ata nuk dëshirojnë që të prishin kontratën, por ta respektojnë. Për futbollistët është vonë në merkato, pasi ky vendim duhet që të ishte marrë më parë. Ndaj, duke parë rrezikun se mos mbeten pa një ekip me nivel, ata dëshirojnë që t'iu respektohet kontrata e nënshkruar, pasi nuk kanë bërë shkelje.
Lexo gjithashtu
