Besmir Shabani do të vazhdojë që të jetë trajner i ekipit të Luftëtarit. Pas ngjitjes në Kategorinë e Parë, drejtuesit e klubit nga Gjirokastra kanë vendosur që të shpërblejë teknikun 39-vjeçar.
Kujtojmë se Shabani është trajner i ekipit gjirokastrit që prej korrikut të vitit 2024. Ndërkohë që lajmin për rinovimin e tij e ka bërë të ditur vetë klubi i Luftëtarit në rrjetet sociale.
Njoftimi i klubit të Luftëtarit:
AS Luftëtari ka kënaqësinë të njoftojë rinovimin e kontratës me trajnerin Besmir Shabani, i cili ishte një nga arkitektët e suksesit për ngjitjen e ekipit në Kategorinë e Parë.
Me një filozofi pune të qartë dhe lidership të fortë, trajneri Shabani ka udhëhequr skuadrën drejt rezultateve pozitive dhe do të vijojë ta drejtojë edhe në sezonin e ardhshëm.
Klubi ka nisur ndërkohë punën për ndërtimin e ekipit, duke rinovuar me disa nga lojtarët më të rëndësishëm të sezonit të kaluar.
Objektivi ynë është i qartë: Ngjitja në Superligë dhe rikthimi në elitën e futbollit shqiptar.
Falënderojmë trajnerin për besimin dhe përkushtimin e tij dhe i urojmë suksese të mëtejshme në drejtimin e ekipit tonë.
Lexo gjithashtu
