Apolonia do të sfidojë Burrelin në transfertë ditën e sotme në orën 14:00 për javën e nëntë të Kategorisë Superiore. Dy ekipet janë në zonën e rënies dhe do të kërkojnë patjetër fitoren për t’u ngjitur sa më shpejt në tabelë. Vendasit vijnë pas 4 pikëve në dy ndeshjet e fundit ndërsa fierakët nuk shohin fitore prej tre ndeshjesh ku kanë marrë vetëm 1 pikë me Tërbunin.
Atmosfera është pozitive në kampin matjan ndërsa në atë fierak, mendja është vetëm të reagimi i menjëhershëm në ditën e sotme. Dy ekipet janë përgatitur intensivisht dhe trajnerët po skicojnë detajet e fundit për formacionin titullar.
Formacionet e Mundshme:
Burreli (4-3-3) – Dani; Hasa, Marcos, Wagner, Stana; Koleci, Kurbneshi, Kryemadhi; Dedgjonaj, Ivziku, Farruku. Trajner: Renato Hoti
Apolonia (4-2-3-1) – Bushi; Kurti, Ndubuisi, Repaj, Asllanaj; Orelesi, Shanaj; Omeri, Topi, Umeijego; Maksuti. Trajner: Mariglen Kule
Lexo gjithashtu
