Artan Mërgjyshi është trajneri i Apolonisë në Kategorinë e Parë. Tekniku 51 vjeçar së bashku me skuadrën fierake janë pranë Kategorisë Superiore e vetëm ndalesë e Covid-19 bëri që të ndalej ecuria pozitive e Apolonisë. Në një lidhje me “Fan zone”, Mërgjyshi u shpreh:
“Kemi një skuadër me moshën më të re në kampionat dhe shumë janë pjesë e akademisë së Apolonisë. Jemi pranë Kategorisë Superiore dhe shumë nuk e besuan në fillim në të sezonit.
Filin dhe Uzunin i kam stërvitur te Apolonia para se të largoheshin nga Fieri. Apolonia ka pasur disa lojtarë që kanë dal nga kjo akademi dhe aktualisht janë shumë lojtarë të rëndësishëm që janë pjesë e Kombëtares U-21. Harizaj, Sota apo edhe Mihana që janë pjesë e kombëtares dhe ka pasur interesim skuadra si Tirana, Laçi që i duan në ekip”.
Cila skuadër ka qenë më e mirë që ke drejtuar? “Po ta marim nga ana cilësore, Besa dhe Apolonia kanë qenë shumë të mira. Te Besa lojtarët që kam drejtuar luajnë në skuadra të rëndësishme aktualisht. Kam kujtime shumë të mira nga ai sezon, por edhe te Apolonia është një kohë tjetër dhe nuk mund t’i ndajë”.
Lojtari më i mirë që keni stërvitur? “Është e vështirë ta them pasi kam që në 2007 që stërvis dhe kam kaluar shumë lojtarë në duar. Fillon që nga Dinamo me brezin e artë e deri tani te Apolonia. Do të veçoja Gurin për cilësit, ndërsa për punën Uzunin që ka punuar shumë për të qenë aty ku është tani”.
Probleme financiare? “Apolonia është klubi më i rregullt në Shqipëri. Jemi klub që paguajmë çdo detyrim që kemi ndaj shtetit dhe nuk kemi probleme pagesash. Kjo ndihma e Federatës ishte gjë e mirë dhe Apolonia përfitoi nga kjo pagesë. Kryeminstri nuk mund të thojë që lojtarët paguhen mirë, pasi janë 2000 mijë lojtar. Vetëm ekipet e Superligës paguajnë mirëm, ndërsa pjesa tjetër jo. Shteti duhet ta shikojë edhe sportin që ta ndimojë pasi ka qenë edhe vetë ish-sportist”.
Çfarë të pengon për të qenë në skuadër për titull? “Nuk e di ta them, por aty ku kam punuar të gjithë flasin mirë. Në kohën kur kam qenë në punë kam pasur oferta, ndërsa kur kam qenë I lirë skuadrat kanë qenë me trajnera e mendoj se nuk ka koçiduar”.
Lexo gjithashtu
