Ambasada amerikane në Tiranë shfaqet për publikun shqiptar edhe në një formë ndryshe nga sa jemi mësuar ta shohim kohët e fundit. Pas muajsh të tërë me deklarata për reformën në drejtësi, sot ambasada ka gjetur hapësirën për të folur për sportin.
Me anë të një postimi në faqen e tyre në Facebook, amerikanët e deleguar në Shqipëri u bëjnë thirrje sportdashësve shqiptarë të mos harrojnë të ndjekin garimin e atletes Luiza Gega në Lojërat Olimpike në datat 12 dhe 13 gusht, përkatësisht në garat 1500 dhe 3000 metra, duke qënë se te Luiza varen shpresat për fitimin e medaljes së parë olimpike nga një sportist shqiptar.
Në fund të njoftimit Ambasada i uron suksese gjithë olimpistëve shqiptarë në Rio 2016.
Poll
Lexo gjithashtu
