Vora siguroi titullin kampion të Kategorisë së Parë dhe ngjitjen për herë të parë në Superiore. E sigurisht që elita kërkon përforcime dhe për këtë drejtuesit janë shumë të vetëdijshëm.
Kështu i “shënjestruari” i tyre është Florenc Farruku. Ky i fundit zhvilloi një sezon fantastik me Burrelin në Kategorinë e Parë.
Sulmuesi ia doli të shënonte gola vendimtarë për matjanët, saktësisht 15 të tillë në Kategorinë e Parë. Paraqitjet e tij kanë tërhequr vëmendjen e kampionëve dhe në ditët në vazhdim pritet që të nisin bisedimet për transferimin e tij.
Nëse 23-vjeçari do të kalonte te Vora, atëherë kapiteni i Burrelit do të luante për herë të parë në elitë. Siç dihet Farruku është një lojtar i akademisë së Burrelit, ku ka luajtur me ekipet U-17, U-19 e deri tek ekipi i parë.
Lexo gjithashtu
