Presidenti i Vllaznisë, Alban Xhaferi, ka folur për pritshmëritë tek ekipi shkodran, largimet e Brdaric e Djarmatit, mungesën e sulmuesve shkodranë, si dhe për merkaton e kuqebluve. Në intervistën e tij për “SportNeës”, Xhaferi u shpreh:
Pritshmëritë te Vllaznia – “Vllaznia është rikthyer në rrugët e suksesit dhe kjo është diçka pozitive. A më duan tifozët? Një pyetje shumë e vështirë… Në futboll është rutinë, nëse gjërat ecin mirë, tifozët të duan, nëse jo, normalisht që ka kritika. Unë jam i lumtur me punën që po bëhet, kemi rikthyer optimizmin te tifozët dhe kemi rritur pritshmëritë”.
Largimi i Brdariç dhe Djarmatit – “Mendoj që trajneri Brdaric bëri një punë të mirë për aq sa ishte te Vllaznia, po ashtu edhe Djarmati. Pas dy viteve, mendova se ishte koha e ndryshimeve në drejtim te Vllaznia. Mendoj se ka qenë një vendim i drejtë. Mbyllja e kontratës me drejtorin teknik ishte diçka normale. Kemi afruar Vioresin Sinanin, që është një ish-lojtar i madh e kampion”.
Mungesa e sulmuesve shkodranë – “Mendoj që sulmuesi është një person në kërkim në të gjithë botën, nuk është një process i lehtë. Sigurisht që për momentin që po flasim, nuk kemi marrë ende produktin nga akademia. Është ndoshta momenti kur na mungon një sulmues tipik. Në vijëmësi, besoj se do të ketë disa prurje të reja.
Titulli kampion – “Me dy vite eksperiencë, kemi arritur edhe një pjekuri dhe të mësojmë nga gabimet tona. Mendoj që marrja e Kupës nga profesor Josa, ishte diçka fantastike, por duhen përgëzuar edhe Plori e Brdaric. Porn ë sezonin e ri, suksesi i Josës duhet të jetë të shkojë drejt rrugës së titullit”, u shpreh Xhaferi.
Lexo gjithashtu
